கனடாவில் (Canada) சுமார் 30 லட்சம் பெரியவர்கள் Ozempic மற்றும் Mounjaro போன்ற GLP-1 வகை மருந்துகளைப் பயன்படுத்துவதாக Leger Healthcare நடத்திய புதிய ஆய்வில் தெரியவந்துள்ளது.
இந்த மருந்துகள் மக்களின் உணவுப் பழக்கம் மற்றும் செலவு செய்யும் முறையையே மாற்றி அமைத்து வருகின்றன.
இந்த மருந்துகளைப் பயன்படுத்துபவர்களில் 30% பேர் உணவகங்களுக்குச் செல்வதையும், ‘டேக்-அவுட்’ (Takeout) உணவுகளையும் குறைத்துள்ளனர்.
அதற்குப் பதிலாகப் புதிய காய்கறிகள் மற்றும் புரதச் சத்து நிறைந்த உணவுகளை அதிகம் வாங்குகின்றனர்.
உடல் எடையைக் குறைப்பதே முதன்மைக் காரணமாக உள்ளது (Weight loss). அதைத் தொடர்ந்து நீரிழிவு நோய் (Diabetes) மற்றும் இதய ஆரோக்கியத்திற்காக (Heart health) இம்மருந்துகள் உட்கொள்ளப்படுகின்றன.
காப்பீடு (Insurance) இல்லாமை மற்றும் அதிக விலை காரணமாக, விருப்பம் இருந்தும் சுமார் 20 லட்சம் கனடியர்களால் இம்மருந்துகளைப் பயன்படுத்த முடியவில்லை.
உணவுக்கான செலவு குறைந்துள்ள நிலையில், உடற்பயிற்சி (Fitness), ஆடைகள் மற்றும் அழகுப் பராமரிப்புப் பொருட்களுக்கான செலவு அதிகரித்துள்ளதாக ஆய்வில் கூறப்பட்டுள்ளது.
அமெரிக்காவில் (U.S.) இந்த மருந்துகளின் பயன்பாடு கனடாவை விட அதிகமாக (11%) இருப்பதும் இந்த ஆய்வில் சுட்டிக்காட்டப்பட்டுள்ளது.
