கனடாவின் British Columbia மாகாணத்தில் உள்ள கார்டு விற்பனை நிலையங்களை (Card Shops) இலக்கு வைத்து தொடர் கொள்ளைச் சம்பவங்கள் அரங்கேறி வருவது பெரும் அதிர்ச்சியை ஏற்படுத்தியுள்ளது.
அண்மையில் Abbotsford பகுதியில் உள்ள House of Cards என்ற கடைக்குள் நள்ளிரவில் புகுந்த கொள்ளையர்கள், காரின் உதவியுடன் கடையின் இரும்புத் தடுப்புகளை உடைத்து, வெறும் இரண்டு நிமிடங்களில் பல ஆயிரம் டொலர் மதிப்பிலான Pokemon மற்றும் விளையாட்டு கார்டுகளைத் திருடிச் சென்றுள்ளனர்.
கடையின் உரிமையாளர் Brandon Chreptyk கூறுகையில், இந்தச் சம்பவத்தால் சுமார் $30,000 டொலர் வரை நஷ்டம் ஏற்பட்டுள்ளதாகத் தெரிவித்துள்ளார்.
இதேபோல், இதற்கு முந்தைய நாள் Surrey பகுதியில் உள்ள Zephyr Epic என்ற கடையிலும் கொள்ளைச் சம்பவம் நடந்துள்ளது.
இந்த கார்டுகளின் மதிப்பு உயர்ந்துள்ளதே இத்தகைய குற்றங்களுக்குக் காரணம் எனத் தெரிகிறது.
தற்போது Abbotsford Police மற்றும் Surrey Police அதிகாரிகள் இணைந்து இது குறித்து தீவிர விசாரணை நடத்தி வருகின்றனர்
