கனடாவின் முன்னணி மளிகை மற்றும் மருந்தக நிறுவனமான Loblaw Cos. Ltd., இந்த 2026-ஆம் ஆண்டில் தனது விற்பனை வலையமைப்பை விரிவுபடுத்துவதற்காக 2.4 பில்லியன் டாலர்களை முதலீடு செய்யவுள்ளதாக அறிவித்துள்ளது.
அதன்படி இந்தத் திட்டத்தின் கீழ் நாடு முழுவதும் 70 புதிய கிளைகள் திறக்கப்படவுள்ளன.
மேலும், 34 புதிய Shoppers Drug Mart/Pharmaprix மருந்தகங்கள் மற்றும் பராமரிப்பு நிலையங்களும், 31 No Frills மற்றும் Maxi அங்காடிகளும் அடங்கும்.
புதிய கிளைகளைத் திறப்பது மட்டுமன்றி, ஏற்கனவே உள்ள 191 கிளைகளை நவீனமயப்படுத்தவும் திட்டமிட்டுள்ளது.
அத்துடன், ஒண்டாரியோவின் Caledon பகுதியில் ஒரு புதிய தானியங்கி விநியோக மையத்தை (Automated distribution centre) அமைக்கும் பணிகளும் தொடரவுள்ளன.
2030ஆம் ஆண்டிற்குள் மொத்தம் 10 பில்லியன் டொலர்களைச் செலவிடும் ஐந்து ஆண்டுத் திட்டத்தின் ஒரு பகுதியாக இந்த முதலீடு அமைந்துள்ளது.
நிறுவனத்தின் கடந்த ஆண்டுக்கான முழுமையான நிதி முடிவுகள் எதிர்வரும் புதன்கிழமை வெளியிடப்படும் என எதிர்பார்க்கப்படுகிறது.
