Calgary நகருக்கு வடக்கே உள்ள Carstairs பகுதியில் வசிக்கும் மக்களின் வீட்டில் ஆளில்லாத நேரத்தில் புகுந்து சுமார் $87,000 மதிப்புள்ள தங்கம், வெள்ளி உள்ளிட்ட சொத்துக்களைத் திருடிய வழக்கில் Ann Carveth என்ற 69 வயது வீட்டுப் பணிப்பெண் கைது செய்யப்பட்டுள்ளார்.
பாதிக்கப்பட்டவர்களுக்கு அறிமுகமான குறித்த பெண், திருடப்பட்ட பொருட்களை அடகு வைத்தது விசாரணையில் தெரியவந்ததை அடுத்து, Didsbury RCMP காவல்துறையினர் மேற்கொண்ட சோதனையில் அடையாள ஆவணங்கள் மற்றும் தடைசெய்யப்பட்ட புகையிலை பொருட்கள் பறிமுதல் செய்யப்பட்டன.
கைது செய்யப்பட்டுள்ள Ann Carveth மீது குடியிருப்புக்குள் அத்துமீறி நுழைதல், திருட்டு மற்றும் சொத்துக்களை விற்பனை செய்தல் உள்ளிட்ட பல தீவிர குற்றச்சாட்டுகள் பதிவு செய்யப்பட்டு காவலில் வைக்கப்பட்டுள்ளார்.
இவர் வீடுகளில் பணிபுரிந்தவர் என்பதால் கூடுதல் பாதிக்கப்பட்டவர்கள் இருக்கக்கூடும் எனச் சந்தேகிக்கும் காவல்துறையினர், இதுகுறித்து தகவல் அறிந்தவர்கள் Didsbury RCMP துறையைத் தொடர்பு கொள்ளுமாறு கேட்டுக்கொண்டுள்ளனர்.
