Hamilton நகரில் உள்ள Stelco ஆலையில் நூற்றுக்கணக்கானோருக்கு தற்காலிக பணிநீக்க அறிவிப்பை வெளியிட்டது ஒரு வணிக முடிவு என Cleveland-Cliffs நிறுவனத்தின் CEO Lourenco Goncalves தெரிவித்துள்ளார்.
அமெரிக்காவின் சுங்கவரி விதிப்பு காரணமாக 500-க்கும் மேற்பட்ட வேலைவாய்ப்புகளை நிறுத்துவதாக அறிவிக்கப்பட்ட நிலையில், இது முதலீட்டுச் சட்ட விதிகளை மீறுவதாகக் கூறி கனடா அரசு கடும் எச்சரிக்கை விடுத்தது.
அமைச்சர் Melanie Joly, நிறுவனத்தின் மீது நிதி அபராதம் அல்லது சொத்துக்களைப் பறிமுதல் செய்யும் நடவடிக்கைகள் பரிசீலிக்கப்படுவதாகத் தெரிவித்திருந்தார்.
மத்திய அமைச்சரின் இந்த எச்சரிக்கையை “மிரட்டல் மற்றும் தொல்லை” எனக் குறிப்பிட்ட Lourenco Goncalves, தங்களது முடிவை நீதிமன்றத்தில் எதிர்த்துப் போராடத் தயார் எனவும், பணிநீக்கம் செய்யப்பட்ட ஊழியர்கள் மீண்டும் பணியமர்த்தப்படுவார்கள் எனவும் உறுதி அளித்துள்ளார்.
