உலகளாவிய புதிய தரவரிசைப் பட்டியலின்படி, உலகின் சிறந்த 100 பல்கலைக்கழகங்களில் மூன்று கனடிய பல்கலைக்கழகங்கள் இடம்பிடித்துள்ளதுடன், அவற்றில் ஒன்று முதல் 20 இடங்களுக்குள்ளும் நுழைந்துள்ளது.
U.S. News & World Report வெளியிட்ட சிறந்த உலகளாவிய பல்கலைக்கழகங்களின் (Best Global Universities) தரவரிசையில், றொரண்டோ பல்கலைக்கழகம் (University of Toronto – U of T) கனடாவில் முதலிடத்தையும், உலக அளவில் 20ஆவது இடத்தையும் பெற்றுள்ளது.
அமெரிக்காவின் ஹார்வர்ட் பல்கலைக்கழகம் (Harvard University) இப்பட்டியலில் முதலிடத்தைப் பிடித்துள்ளது.
ஆராய்ச்சிப் புகழ், சர்வதேச ஒத்துழைப்பு மற்றும் புத்தக வெளியீடுகள் போன்ற காரணிகளை அடிப்படையாகக் கொண்டு 105 நாடுகளைச் சேர்ந்த 2,438 பல்கலைக்கழகங்கள் ஆராயப்பட்டு இப்பட்டியல் தயாரிக்கப்பட்டது.
இப்பட்டியலில் கனடா அளவில் பிரிட்டிஷ் கொலம்பியா பல்கலைக்கழகம் (University of British Columbia – UBC) உலக அளவில் 42ஆவது இடத்தை பெற்றுள்ளது.
மெக்கில் பல்கலைக்கழகம் (McGill University) உலக அளவில் 68ஆவது இடத்தையும் பெற்று முறையே இரண்டு மற்றும் மூன்றாம் இடங்களைப் பிடித்துள்ளன.
உலகளாவிய பட்டியலில் மெக்மாஸ்டர் பல்கலைக்கழகம் (McMaster University) 150ஆவது இடத்தையும், அல்பர்ட்டா பல்கலைக்கழகம் (University of Alberta) 164ஆவது இடத்தையும் பெற்றுள்ளன.
