முன்னாள் அமெரிக்க ஜனாதிபதி பராக் ஒபாமா (Barack Obama), கனடிய சிந்தனைக் குழு (Think tank) ஒன்றின் சிறப்பு உரை ஆற்றுவதற்காக இன்று ரொறன்ரோ வருகை தந்துள்ளார்.
Canada 2020 அமைப்பின் 20-வது ஆண்டு நிறைவு விழாவில் (Gala), ரொறன்ரோவில் உள்ள பேர்மாண்ட் ரோயல் யோர்க் (Fairmont Royal York) ஹோட்டலில் ஒபாமா உரையாற்றவுள்ளார்.
நீதியான, உள்ளடக்கிய மற்றும் எதிர்கால சிந்தனையுடன் கூடிய கனடாவை உருவாக்குவதற்கான கொள்கை விவாதங்களை முன்னெடுப்பதே இந்த நிகழ்வின் நோக்கமாகும்.
ஒபாமா தனது ஜனாதிபதி பதவிக்காலத்தில் மூன்று முறை கனடாவுக்கு உத்தியோகபூர்வ விஜயம் மேற்கொண்டுள்ளார்.
முதன்முதலில் 2009-இல் ஒட்டாவாவில் ஸ்டீபன் ஹார்ப்பரை (Stephen Harper) சந்தித்தார்.
ஊடகங்களுக்கு அனுமதி வழங்கப்படாத இந்தத் தனிப்பட்ட நிகழ்வு, ஒபாமா ரொறன்ரோவுக்கு மேற்கொள்ளும் இரண்டாவது விஜயமாகும்.
ஜனாதிபதி பதவியிலிருந்து விலகிய பின்னரும், உலகளாவிய ஜனநாயகம் மற்றும் கொள்கை மாற்றங்கள் குறித்துத் தொடர்ந்து குரல் கொடுத்து வரும் ஒபாமாவின் இந்த வருகை, றொரண்டோவில் முக்கியத்துவம் வாய்ந்ததாகக் கருதப்படுகிறது.
