டொராண்டோவில் உள்ள மார்க் கார்னோ மெட்ரிகுலேஷன் பாடசாலைக்கு (Marc Garneau Collegiate Institute) நேற்று திங்கட்கிழமை (மார்ச் 23, 2026) காலை விடுக்கப்பட்ட மர்ம அச்சுறுத்தலைத் தொடர்ந்து, பாடசாலையிலிருந்தவர்கள் முழுமையாக வெளியேற்றப்பட்டுள்ளனர்.
வட டொராண்டோவின் நோர்த் யார்க் (North York) பகுதியில் உள்ள டொன் மில்ஸ் வீதி (Don Mills Road) மற்றும் ஓவர்லீ புலிவார்ட் (Overlea Boulevard) சந்திப்பில் அமைந்துள்ள இந்தப் பாடசாலைக்கு காலை 8 மணியளவில் இந்த அச்சுறுத்தல் விடுக்கப்பட்டுள்ளது.
தகவலறிந்து காலை 8:11 மணியளவில் சம்பவ இடத்திற்கு விரைந்த டொராண்டோ பொலிஸார் (Toronto Police), முன்னெச்சரிக்கை நடவடிக்கையாக மாணவர்கள் மற்றும் ஆசிரியர்களைப் பாதுகாப்பாக வெளியேற்றினர்.
அச்சுறுத்தலின் தன்மை குறித்து மேலதிக விபரங்களை பொலிசார் இதுவரை வெளியிடவில்லை.
பொலிசார் பாடசாலை கட்டிடம் முழுவதும் சோதனையிட்டதுடன், அப்பகுதியைச் சுற்றி பாதுகாப்பு வளையத்தை ஏற்படுத்தியுள்ளனர்.
டொராண்டோ மாவட்ட பாடசாலை சபை (TDSB) இது குறித்து இன்னும் அதிகாரப்பூர்வமான அறிக்கையை வெளியிடவில்லை.
சோதனைகள் நிறைவடைந்த பின்னரே மாணவர்கள் மீண்டும் பாடசாலைக்குள் அனுமதிக்கப்படுவார்கள் என எதிர்பார்க்கப்படுகிறது.
