கனடாவின் B.C. (British Columbia) மாகாணத் துறைமுகம் ஒன்றிலிருந்து வெளிநாடுகளுக்கு கடத்தப்படவிருந்த 3.8 மில்லியன் டாலர் மதிப்பிலான 43 திருடப்பட்ட வாகனங்களை காவல்துறையினர் மீட்டுள்ளனர்.
Project Road King எனும் பெயரில் Niagara Regional Police முன்னெடுத்த இந்த பாரிய தேடுதல் வேட்டையில், Ontario மாகாணத்தைச் சேர்ந்த ஒழுங்கமைக்கப்பட்ட குற்றக் கும்பல் ஒன்றுக்குத் தொடர்பு இருப்பது கண்டறியப்பட்டுள்ளது.
இந்த விவகாரத்தில் Keir McColl (39), Tudor Sopterian (32) மற்றும் Dejan Zlojo (43) ஆகிய மூன்று சந்தேக நபர்கள் கைது செய்யப்பட்டுள்ளனர்.
மேலும், Nikola Scepanovic (58) என்பவருக்கு எதிராக பிடிவிறாந்து பிறப்பிக்கப்பட்டுள்ளது.
2024 இல் தொடங்கப்பட்ட இந்த விசாரணையில் இதுவரை 30 பேர் மீது 200-க்கும் மேற்பட்ட குற்றச்சாட்டுகள் பதிவு செய்யப்பட்டுள்ளன.
வாகனத் திருட்டு மட்டுமன்றி, பல மில்லியன் டாலர் மதிப்பிலான போதைப்பொருட்கள் (Cocaine, Methamphetamine) மற்றும் சட்டவிரோத ஆயுதங்களையும் காவல்துறையினர் பறிமுதல் செய்துள்ளனர்.
இந்த விசாரணை இன்னும் தீவிரமாக நடைபெற்று வருவதால் கூடுதல் கைதுகள் இடம்பெறலாம் என Chief Bill Fordy தெரிவித்துள்ளார்.
