Quebec மாகாணத்தின் மதச்சார்பின்மை சட்டங்களான Bill 21 மற்றும் புதிய Bill 94 ஆகியவற்றால் பாடசாலைகளில் பணிபுரியும் ஆசிரியர்கள் மற்றும் பெற்றோர் தன்னார்வலர்கள் (Parent Volunteers) பெரும் பாதிப்புக்குள்ளாகியுள்ளனர்.
அதனால், ஹிஜாப் அணியும் தாய்மார்கள், பல ஆண்டுகளாகப் பாடசாலைகளில் ஆற்றி வந்த நூலகப் பணிகள் மற்றும் மாணவர் போக்குவரத்து போன்ற தன்னார்வத் தொண்டுகளைச் செய்யத் தடை விதிக்கப்பட்டுள்ளது.
அதற்கமைய, சீக்கிய மதத்தைச் சேர்ந்த Amrit Kaur மற்றும் Pavandeep Magon ஆகியோர், தங்களது தலைப்பாகை (Turban) காரணமாகத் தகுதியிருந்தும் ஆசிரியராகப் பணியாற்ற முடியாமலும், பாடசாலை நிகழ்வுகளில் உதவ முடியாமலும் தவிப்பதாகத் தெரிவித்துள்ளனர்.
இந்தச் சட்டங்கள் தனிமனித உரிமைகளைப் பறிப்பதாகக் கூறி, பாதிக்கப்பட்டவர்கள் நீதிமன்றத்தை நாடியுள்ளனர்.
இது தொடர்பான முக்கிய விசாரணை அடுத்த மாதம் கனடா உச்ச நீதிமன்றத்தில் (Supreme Court of Canada) தொடங்கவுள்ளது.
