றொரண்டோ (Toronto) மற்றும் அதன் சுற்றுப்புறப் பகுதிகளில் (GTA) எரிபொருள் விலை மீண்டும் அதிகரிக்க உள்ளதாக அறிவிக்கப்பட்டுள்ளது.
வெள்ளிக்கிழமை நள்ளிரவு 12:01 மணி முதல் லீட்டர் ஒன்றுக்கு 7 சென்ட்கள் (7-cent increase) அதிரடியாக உயர்த்தப்பட உள்ளது.
இதன் மூலம் பெரும்பாலான எரிபொருள் நிலையங்களில் ஒரு லீட்டர் பெற்றோலின் விலை 179.9 சென்ட்களில் இருந்து 186.9 சென்ட்கள் (186.9 cents per litre) வரை உயரும்.
இந்த மாதம் முழுவதும் எரிபொருள் விலையில் பெரும் மாற்றங்கள் நிலவி வருகின்றன.
கடந்த ஏப்ரல் 10 அன்று 13 சென்ட்கள் குறைந்திருந்த நிலையில், மீண்டும் இந்த விலையேற்றம் ஏற்பட்டுள்ளது.
ஏப்ரல் 8 ஆம் திகதி நிலவிய 188.9 சென்ட்களே இந்த மாதத்தின் அதிகபட்ச விலையாகப் பதிவாகியுள்ளது.
சந்தை ஏற்ற இறக்கங்கள் மற்றும் சுத்திகரிப்பு நிலையங்களின் மாற்றங்கள் காரணமாக, எரிபொருள் விலையில் இந்த நிலையற்ற தன்மை தொடரக்கூடும் என ஆய்வாளர்கள் எச்சரித்துள்ளனர்.
CityNews Gas Price Tracker தகவலின்படி, வாகன சாரதிகள் இன்றைய தினத்திற்குள் தமது வாகனங்களுக்கு எரிபொருளை நிரப்புவது இலாபகரமானது எனத் தெரிவிக்கப்படுகிறது.
