கடந்த புதன்கிழமை இரவு 9:30 மணியளவில் Toronto நகரில் உள்ள 2 Matilda St பகுதியில் அமைந்துள்ள காலியான கட்டடத்தில் திடீரென மாபெரும் தீ விபத்து ஏற்பட்டது.
இக்கட்டடமானது Don Valley Parkway (DVP) நெடுஞ்சாலையின் விளிம்பிலிருந்து வெறும் 30 அடி தூரத்திலேயே அமைந்திருப்பதால், தீயணைப்புப் பணிகள் மற்றும் பாதுகாப்பான இடிப்புப் பணிகளுக்காக Northbound – DVP நெடுஞ்சாலை தற்காலிகமாக மூடப்பட்டுள்ளது.
Gardiner Expressway முதல் Dundas Street வரையிலான DVP வடபாகப் பாதைகளும், Don Roadway, Eastern Avenue, Queen Street ஆகிய இணைப்புகளும் வெள்ளிக்கிழமை காலை 6 மணி வரை மூடப்படும் என நகர அதிகாரிகள் அறிவித்துள்ளனர்.
தீ விபத்தில் பலத்த சேதமடைந்த இக்கட்டடத்தை Jim Jessop தலைமையிலான தீயணைப்புத்துறையினர் கனரக இயந்திரங்கள் மூலம் இடித்துத் தகர்த்து வருகின்றனர்.
இச்சம்பவத்தில் காவல்துறையைச் சேர்ந்த ஒருவர் சிறிய காயங்களுடன் மருத்துவமனையில் அனுமதிக்கப்பட்டுள்ளார். மேலும், இந்த விபத்து குறித்து Toronto Police தீவிர விசாரணை நடத்தி வருகின்றனர்
