கனடாவின் Toronto நகருக்கு உட்பட்ட Scarborough பகுதியில், சட்டப்பூர்வ பாதுகாப்பு உரிமை இல்லாத தாய் ஒருவர் தனது மூன்று குழந்தைகளையும் கடத்திச் சென்றுள்ளதாக பொலிஸார் தெரிவித்துள்ளனர்.
மிட்லேண்ட் அவென்யூ மற்றும் எக்லிண்டன் அவென்யூ கிழக்கு (Midland Avenue and Eglinton Avenue East) பகுதியில் உள்ள உறவினர் ஒருவரின் வீட்டில் நடைபெற்ற கண்காணிப்பு சந்திப்பின் போதே, 22 வயதான சோமர்டா மைக்லெஸ்கு (Somerda Miclescu) என்ற தாய் தனது குழந்தைகளான 4 மாத அனஸ்தேசியா (Anastasia), 3 வயது இரினா (Irina) மற்றும் 6 வயது டேனில் (Daniel) ஆகியோரை அழைத்துக்கொண்டு தப்பியோடியுள்ளார்.
அவர் ‘DJJS 875’ என்ற ஒன்டாரியோ (Ontario) உரிமத் தகடு கொண்ட 2017-ஆம் ஆண்டின் வெள்ளை நிற ஃபோர்ட் எக்ஸ்பெடிஷன் (2017 white Ford Expedition) வாகனத்தில் தப்பிச் சென்றுள்ளதாக நம்பப்படுகிறது.
குழந்தைகள் உடனடி ஆபத்தில் இருப்பதாகத் தெரியவில்லை என்பதால் ‘ஆம்பர் அலர்ட்’ (Amber Alert) அவசர எச்சரிக்கை இதுவரை விடுக்கப்படவில்லை என பொலிஸார் விளக்கமளித்துள்ளனர்.
இச்சம்பவம் குறித்துத் தகவல் தெரிந்தோர் 416-808-4100 என்ற எண்ணில் தொடர்புகொள்ளுமாறு Toronto Police Service கேட்டுக்கொண்டுள்ளது.
