அமெரிக்க அதிபர் டொனால்ட் ட்ரம்ப்பின் (Donald Trump) ‘விடுதலை நாள்’ (Liberation Day) வரி விதிப்புகள் அமலுக்கு வந்து ஓராண்டு நிறைவடைந்துள்ளது.
இந்நிலையில், கனடாவின் வேலைவாய்ப்புச் சந்தை வளர்ச்சியின்றி முடங்கியுள்ளதாகப் புதிய தரவுகள் தெரிவிக்கின்றன.
குறிப்பாக, உலோகம், அலுமினியம் மற்றும் வாகன உற்பத்தித் துறைகளைக் குறிவைத்து விதிக்கப்பட்ட வரிகளால், கடந்த 12 மாதங்களில் உற்பத்தித் துறையில் மட்டும் 51,800 வேலைகள் பறிபோயுள்ளன.
இதில் ஒன்டாரியோ (Ontario) மாகாணமே பெரும் பாதிப்பைச் சந்தித்துள்ளது.
புள்ளிவிபரக் கனடாவின் (Statistics Canada) தரவுப்படி, பொருட்கள் உற்பத்தித் துறையில் பின்னடைவு ஏற்பட்டாலும், சுகாதாரத் துறை போன்ற சேவைத் துறைகள் 85,900 புதிய வேலைவாய்ப்புகளை உருவாக்கி ஓரளவிற்குச் சமநிலைப்படுத்தியுள்ளன.
இருப்பினும், பெப்ரவரி மாதத்தில் சேவைத் துறையிலும் 84,000 வேலை இழப்புகள் பதிவாகியுள்ளன.
இது உற்பத்தித் துறையின் பலவீனம் மற்ற பொருளாதாரப் பிரிவுகளுக்கும் பரவுவதைக் காட்டுகிறது எனப் பொருளாதார நிபுணர் ஆண்ட்ரூ டிகேப்வா (Andrew DiCapua) எச்சரித்துள்ளார்.
மறுபுறம், 2025 ஆம் ஆண்டில் கனடாவின் மக்கள் தொகை முதல் முறையாக வீழ்ச்சியடைந்துள்ளதும் வேலைவாய்ப்புச் சந்தையை பாதித்துள்ளது.
ஓய்வுபெறும் முதியவர்களின் எண்ணிக்கை அதிகரிப்பதாலும், புதிய இளம் தொழிலாளர்கள் குறைவதாலும் வேலைவாய்ப்பு வளர்ச்சி ‘static’ எனப்படும் தேக்க நிலையில் உள்ளதாக பிரெண்டன் பெர்னார்ட் (Brendon Bernard) குறிப்பிட்டுள்ளார்.
