கனடா (Canada) மற்றும் அமெரிக்கா (USA) அணிகளுக்கு இடையிலான பரபரப்பான இறுதிப்போட்டியை ரசிகர்கள் காண்பதற்காக, கோ ட்ரான்சிட் (GO Transit) விசேட ரயில் சேவையை அறிவித்துள்ளது.
லேக்ஷோர் வெஸ்ட் (Lakeshore West) தடத்தில், அதிகாலை 5:52 மணிக்கு கான்பெடரேஷன் (Confederation GO) நிலையத்திலிருந்து புறப்படும் இந்த ரயில், காலை 7:30 மணிக்கு யூனியன் ஸ்டேஷனை (Union Station) சென்றடையும்.
உலகமே எதிர்பார்க்கும் இந்த தங்கப் பதக்கப் போட்டி காலை 8:10 மணிக்குத் தொடங்குகிறது. 2014-ஆம் ஆண்டிற்குப் பிறகு கனடா மீண்டும் தங்கம் வெல்லுமா என்ற எதிர்பார்ப்பு அதிகரித்துள்ளது.
மதுபான விற்பனை அனுமதி: அதிகாலைப் போட்டி என்பதால், ஒன்ராறியோ பிரீமியர் டக் போர்ட் (Doug Ford), மாகாணம் முழுவதும் உள்ள உணவகங்கள் மற்றும் மதுபான விடுதிகளில் காலை 6 மணி முதல் மது விற்பனை செய்ய விசேட அனுமதி வழங்கியுள்ளார்.
டொராண்டோவில் உள்ள ஸ்கோடியா பேங்க் அரீனாவில் (Scotiabank Arena) இதற்கான விசேட நேரடி ஒளிபரப்பு ஏற்பாடு செய்யப்பட்டுள்ளது.
MLSE அறக்கட்டளைக்கு நிதி திரட்டும் நோக்கில் நடத்தப்படும் இவ்விழாவிற்கு காலை 7 மணிக்கே வாயில்கள் திறக்கப்படும்.
மிலானோ கோர்டினா (Milano Cortina) குளிர்கால ஒலிம்பிக் போட்டிகளில் இதுவரை கனடா 5 தங்கம் உட்பட மொத்தம் 20 பதக்கங்களை வென்றுள்ள நிலையில், இன்றுடன் போட்டிகள் நிறைவடைகின்றன.
