கனடாவில் வீடுகளைப் புதுப்பித்துத் தருவதாகக் கூறி (Home Renovations), வாடிக்கையாளர்களிடம் பெருந்தொகை பணத்தைப் பெற்றுக்கொண்டு, பணிகளை முடிக்காமல் ஏமாற்றிய ஒப்பந்ததாரர் ஒருவரைப் பற்றிய உண்மைகளை ‘CTV News W5’ புலனாய்வுப் பிரிவு வெளிச்சத்திற்குக் கொண்டுவந்துள்ளது.
இன்னிஸ்பில் (Innisfil) பகுதியைச் சேர்ந்த டேவிட் வுல்ப் (David Wolf) என்ற ஒப்பந்ததாரரே இவ்வாறு பலரை ஏமாற்றியுள்ளார்.
பிராம்ப்டனைச் (Brampton) சேர்ந்த டினா சர்மா (Tina Sharma) என்பவர் தனது வீட்டின் அடித்தளப் பணிகளுக்காக இவரிடம் 33,000 டொலர்களைக் கொடுத்து ஏமாந்துள்ளார்.
இதேபோல் டோனி சாங் (Tony Chang) என்பவர் 55,000 டாலர்களையும், இம்ரான் கபூர் (Imran Ghafoor) என்பவர் 14,900 டொலர்களையும் கொடுத்து ஏமாந்துள்ளதாகக் குற்றம்சாட்டியுள்ளனர்.
மேலும், இவரிடம் வேலை செய்த மார்க் பாசில் (Marc Basile) என்ற மின்சாரக் கலைஞருக்கும் (Electrician) 30,000 டொலர் சம்பளப் பாக்கியை வழங்காமல் டேவிட் வுல்ப் (David Wolf) ஏமாற்றியுள்ளார்.
இது குறித்து ‘CTV’ ஊடகவியலாளர் பேட் ஃபொரன் (Pat Foran) நேரில் சென்று கேள்வி எழுப்பியபோது, அவர் பதிலளிக்க மறுத்துத் தப்பியோடியுள்ளார்.
