கடந்த பெப்ரவரி 10-ஆம் திகதி தம்பளர் ரிட்ஜ் (Tumbler Ridge) பகுதியில் இடம்பெற்ற பாரிய துப்பாக்கிச் சூட்டில் பாதிக்கப்பட்ட மாணவர்களின் குடும்பங்களுக்கு மிரட்டல்கள் விடுக்கப்பட்டுள்ளதாகக் கூறப்படும்கிறது.
இது குறித்த முறைபாடுகளின் அடிப்படையில் பி.சி. ஆர்.சி.எம்.பி (B.C. RCMP) தீவிர விசாரணை நடத்தி வருகின்றது.
இந்த மிரட்டல்கள் காரணமாக, உயிரிழந்த 12 வயது சிறுமி கைலி ஸ்மித் (Kylie Smith) என்பவரது இறுதிச்சடங்கு பாதுகாப்பு காரணங்களுக்காக ரத்து செய்யப்பட்டுள்ளது.
சனிக்கிழமை நடைபெறவிருந்த இந்த தனியார் நிகழ்வு, “உண்மையான அச்சுறுத்தல்கள்” காரணமாக நிறுத்தப்பட்டதாக அறிவிக்கப்பட்டுள்ளது.
பாதிக்கப்பட்ட குடும்பங்கள் மற்றும் சமூகத்தின் பாதுகாப்பை உறுதி செய்ய விசேட பாதுகாப்புத் திட்டம் (Safety plan) நடைமுறையில் இருப்பதாக பொலிசார் தெரிவித்துள்ளனர்.
உயிரிழந்தவர்களில் மூன்று குடும்பங்கள் இது போன்ற அச்சுறுத்தல்களுக்கு உள்ளாகி இருப்பதாக சிறுமியின் பெற்றோர்களான லான்ஸ் யங் (Lance Younge) மற்றும் ஜென்னி கியரி (Jenny Geary) கவலை தெரிவித்துள்ளனர்.
