கனடாவின் அடையாளமான சீ.என் டவர் (CN Tower) கட்டி முடிக்கப்பட்டு 50 ஆண்டுகள் நிறைவடைந்துள்ளது.
இதனை முன்னிட்டு, இருட்டில் மின்னும் விசேடமான புதிய 2 டொலர் நாணயத்தை ரோயல் கனடியன் மின்ட் (Royal Canadian Mint) வெளியிட்டுள்ளது.
ஒன்டாரியோவின் பெல்லிவில் (Belleville, Ont.) பகுதியைச் சேர்ந்த கலைஞர் கார்ல் வீன்ஸ் (Carl Wiens) இந்த நாணயத்தை வடிவமைத்துள்ளார்.
செவ்வாய்க்கிழமை டவரின் அவதானிப்பு தளத்தில் வைத்து இந்த நாணயம் அறிமுகப்படுத்தப்பட்டது.
இந்த நாணயத்தின் ஒரு பக்கத்தில் 1976-ஆம் ஆண்டின் டொராண்டோ நகரின் தோற்றமும், மறுபக்கத்தில் தற்போதைய 2026-ஆம் ஆண்டின் நவீன நகரத் தோற்றமும் பொறிக்கப்பட்டுள்ளன.
இந்த நாணயம் இருட்டில் மின்னும் தன்மையினை கொண்டுள்ளமை இதன் சிறப்பம்சமாக காணப்படுகிறது.
கனடிய வரலாற்றில் இத்தகைய தொழில்நுட்பத்துடன் பொதுப் புழக்கத்திற்கு வரும் இரண்டாவது நாணயம் இதுவாகும்.
இது ஒரு விசேட சேகரிப்பு நாணயம் (Collector’s piece) அல்ல என்பதால், விரைவில் உங்கள் கைகளிலும் புழக்கத்திற்கு வரக்கூடும் என எதிர்பார்க்கப்படுகிறது.
சீ.என் டவர் இரவில் ஒளிமயமாகத் தெரிவதைப் பிரதிபலிக்கும் வகையில் இந்த வடிவமைப்பு அமைந்துள்ளதாக கலைஞர் கார்ல் வீன்ஸ் பெருமிதத்துடன் தெரிவித்துள்ளார்.
