வெள்ளை மாளிகையில் (White House) நடைபெற்ற நிகழ்ச்சி ஒன்றில் பேசிய அமெரிக்க அதிபர் Donald Trump, பல ஆண்டுகளாக கனடா (Canada) அமெரிக்காவைத் தவறாகப் பயன்படுத்தி வந்ததாகவும், தற்போது அந்த நாட்டிற்கு ஒரு “சிறிய பாடம்” கற்பிக்கப்பட்டு வருவதாகவும் கடுமையாக விமர்சித்துள்ளார்.
இரு நாடுகளுக்கும் இடையே வர்த்தகப் போர் தீவிரம் அடைந்துள்ள நிலையில், குறிப்பிட்ட சில கனடியப் பொருட்கள் மீது புதிய அமெரிக்க இறக்குமதி வரிகள் அமலுக்கு வந்துள்ளன.
எனினும், சில வாரங்களுக்குள் கனடாவுடன் நியாயமான வர்த்தக ஒப்பந்தம் ஒன்று எட்டப்படும் என Donald Trump நம்பிக்கை தெரிவித்துள்ளார்.
இதற்கு பதிலளித்த கனடா பிரதமர் Mark Carney, வான்கூவர் (Vancouver) நகரில் செய்தியாளர்களிடம் பேசுகையில், இந்தக் கருத்துக்களை தான் கவனித்திருப்பதாகவும், கனடா எப்போதும் நல்லெண்ண அடிப்படையில் பேச்சுவார்த்தை நடத்தத் தயாராக இருப்பதாகவும் தெரிவித்தார்.