அமெரிக்க இடைத்தேர்தலில் கனேடிய அரசியல்வாதிகள் தேர்தல் தலையீட்டில் ஈடுபடுகிறார்களா என்பது குறித்து அமெரிக்க அதிகாரிகள் தீவிரமாகக் கண்காணித்து வருவதாக கனடாவுக்கான அமெரிக்கத் தூதர் Pete Hoekstra எச்சரித்துள்ளார்.
“The Really Big Show” பாட்காஸ்ட் பேட்டியில் பேசிய அவர், கடந்த ஆண்டு Ontario மாகாண அரசாங்கம் நடத்திய அரசியல் விளம்பரங்கள், தொழில்துறை அமைச்சர் Mélanie Joly மற்றும் முன்னாள் பிரதமர் Justin Trudeau ஆகியோரின் கருத்துகள் அரசியல் தலையீட்டாகக் கருதப்படலாம் எனக் குறிப்பிட்டுள்ளார்.
மேலும், வரவிருக்கும் இடைத்தேர்தலை முன்னிட்டு அமெரிக்க அரசியலில் கனேடிய அரசியல்வாதிகள் தலையிடாமல் இருக்க வேண்டும் என எச்சரித்துள்ள அவர், மீறினால் அமெரிக்கா தகுந்த பதிலடி கொடுக்கும் எனவும் தெரிவித்தார்.
நவம்பர் 3ஆம் தேதி நடைபெறவுள்ள இந்தத் தேர்தல், அமெரிக்கக் கங்கிரஸ் (Congress) மீதான குடியரசுக் கட்சியின் கட்டுப்பாட்டைத் தீர்மானிக்கக் கூடிய முக்கியமான தேர்தலாகக் கருதப்படுகின்றமை குறிப்பிடத்தக்கது.
