பல வார கால தாமதங்கள் மற்றும் அமெரிக்க அதிபர் டொனால்ட் டிரம்ப் (Donald Trump) இன் விமர்சனங்களுக்குப் பிறகு, கனடாவின் வின்சர் (Windsor) மற்றும் அமெரிக்காவின் டெட்ராய்ட் (Detroit) நகரங்களை இணைக்கும் கார்டி ஹோவ் சர்வதேச பாலம் (Gordie Howe International Bridge) வரும் ஜூலை 27 அன்று திறக்கப்படவுள்ளது.
எனினும், 2012 ஆம் ஆண்டு போடப்பட்ட ஆரம்ப ஒப்பந்தத்தின்படி, பாலத்திற்கான முழு கட்டுமானச் செலவான 6.4 பில்லியன் டொலர்களை கனடாவே ஏற்றிருந்ததால், முதலீட்டைத் திரும்பப் பெறும் வரை 100% சுங்கக் கட்டண வருவாயையும் கனடாவே பெறவிருந்தது.
ஆனால், தற்போது ஏற்பட்டுள்ள புதிய சமரச உடன்பாட்டின்படி, கனடா தனது பெரும் வருவாயை இழக்கச் சம்மதித்துள்ளது.
புதிய ஒப்பந்தத்தின்படி, முதல் 15 ஆண்டுகளுக்கு பாலத்தின் சுங்கக் கட்டண லாபத்தில் 50% மட்டுமே கனடாவிற்கு கிடைக்கும்.
மீதமுள்ள 50% இரு நாடுகளுக்கும் பொதுவான ஒரு பொருளாதார மேம்பாட்டு நிதிக்குச் செல்லும்.
அத்துடன், சுங்கக் கட்டணத்தை 10% க்கும் மேல் உயர்த்தவோ அல்லது குறைக்கவோ வேண்டுமானால் கனடா அமெரிக்காவின் ஒப்புதலைப் பெற வேண்டும் என்பதும் குறிப்பிடத்தக்கது.
