கனடாவில் கடந்த பிப்ரவரி மாதத்தில் மளிகைப் பொருட்களின் விலை, கடந்த ஆண்டை விட 5.7 சதவீதம் அதிகரித்துள்ளதாகப் புள்ளிவிபரக் கனடா (Statistics Canada) தெரிவித்துள்ளது.
இது நாட்டின் பொதுவான பணவீக்க விகிதமான 1.8 சதவீதத்தை விடப் பல மடங்கு அதிகமாகும்.
குறிப்பாக, மாட்டிறைச்சி (Beef striploin) விலை ஒரு கிலோவிற்கு 7.51 டொலர்கள் உயர்ந்து 35.56 டொலராக அதிகரித்துள்ளமை 26.8 சதவீத உயர்வாகும்.
விலை அதிகரிப்பு விகிதத்தின் அடிப்படையில் பார்த்தால், முழு கோழியின் (Whole chickens) விலை 43.8 சதவீதம் உயர்ந்து ஒரு கிலோ 8.57 டொலராக உயர்ந்துள்ளது.
கோப்பி (Coffee) விலை 29.9 சதவீதம் உயர்ந்து 9.51 டொலராகவும் (340 கிராம்) பதிவாகியுள்ளது.
மாகாண ரீதியாகப் பார்த்தால், நோவா ஸ்கோடியா (Nova Scotia – 8.5%), பிரின்ஸ் எட்வர்ட் தீவு (Prince Edward Island – 7.2%) மற்றும் நியூ பிரன்சுவிக் (New Brunswick – 7.0%) ஆகிய மாகாணங்களிலேயே அதிக விலை உயர்வு ஏற்பட்டுள்ளது.
ஒன்டாரியோ (Ontario) மாகாணத்தில் மட்டுமே தேசிய சராசரியை விடக் குறைந்த விலையில் மளிகைப் பொருட்கள் கிடைக்கின்றன.
மறுபுறம், முலாம்பழம் (Cantaloupes), ஆலிவ் எண்ணெய் (Olive oil), பேரிக்காய் (Pears) மற்றும் தோடம்பழம் (Oranges) ஆகியவற்றின் விலைகள் கணிசமாகக் குறைந்துள்ளன.
எனினும், ஈரான் போர் (Iran war) காரணமாக உலகளாவிய மசகு எண்ணெய் விலை அதிகரித்து வருவதால், போக்குவரத்துச் செலவுகள் உயர்ந்து உணவுப் பொருட்களின் விலைகள் வரும் மாதங்களில் மேலும் அதிகரிக்கக்கூடும் என எச்சரிக்கப்பட்டுள்ளது.
