ஈஸ்டர் பண்டிகையை முன்னிட்டு, பிரபல சுவிஸ் சாக்லேட் நிறுவனமான லிண்ட் (Lindt), கனடியர்களுக்காக ஒரு சுவாரஸ்யமான டிஜிட்டல் விளையாட்டை அறிமுகப்படுத்தியுள்ளது.
‘டிஜிட்டல் கோல்ட் பன்னி ஹைட் அண்ட் சீக்‘ (Digital GOLD BUNNY Hide & Seek) என்று இந்த விளையாட்டிற்கு பெயரிடப்பட்டுள்ளது.
இதில் பங்கேற்பதன் மூலம், ஒரு வருடத்திற்குத் தேவையான லிண்ட் சாக்லேட்டுகளை முற்றிலும் இலவசமாகப் வெல்லும் வாய்ப்பு கிடைக்கிறது.
இந்த விளையாட்டில் பங்கேற்பவர்கள் தங்கள் ஸ்மார்ட்போன்களைப் பயன்படுத்தி, தங்கள் வீட்டிற்குள்ளேயே மறைந்திருக்கும் ஆறு லிண்ட் கோல்ட் பன்னி (GOLD BUNNY) உருவங்களைக் கண்டறிய வேண்டும்.
அவ்வாறு கண்டறிபவர்கள் இந்தப் பிரம்மாண்டப் பரிசுப் போட்டியில் இணையத் தகுதி பெறுவர்.
இதற்காக lindt-gold-bunny.ca என்ற இணையதளத்திற்குச் சென்று விளையாட்டைத் தொடங்கலாம்.
அத்துடன், இந்த ஆண்டு ஈஸ்டர் கொண்டாட்டத்திற்காக லிண்ட் நிறுவனம் மூன்று புதிய தயாரிப்புகளை அறிமுகம் செய்துள்ளது.
இதில் சுவிஸ் வெள்ளை சாக்லேட்டில் உருவான 50 கிராம் ‘கோல்ட் பன்னி‘, ஹேசல்நட் மற்றும் டபுள் மில்க் சுவைகளில் சிறிய பைகளில் அடைக்கப்பட்ட சாக்லேட்டுகள் மற்றும் கேரட் கேக் சுவையிலான ‘லிண்டோர்‘ (LINDOR) சாக்லேட்டுகள் ஆகியவை அடங்கும்.
கனடாவில் தலைமுறைகளாகப் புகழ்பெற்ற லிண்ட் கோல்ட் பன்னி, இந்த ஆண்டும் ஈஸ்டர் பண்டிகையை மேலும் இனிமையாக்கவுள்ளது.
