ஒன்ராறியோ மாணவர் உதவித் திட்டமான OSAP இல் கொண்டுவரப்பட்டுள்ள மாற்றங்கள், மாணவர்களிடையே பெரும் கொந்தளிப்பை ஏற்படுத்தியுள்ளன.
மாணவர்களுக்கு வழங்கப்பட்டு வந்த மானியத் தொகையை 85 சதவீதத்திலிருந்து 25 சதவீதமாகக் குறைத்து, எஞ்சியதை கடனாக மாற்றும் அரசின் முடிவை NDP தலைவி Marit Stiles கடுமையாகச் சாடியுள்ளார்.
வேலைவாய்ப்புள்ள துறைகளைத் தேர்ந்தெடுக்காமல் மாணவர்கள் தேவையற்ற பாடப்பிரிவுகளைத் தேர்ந்தெடுப்பதாக பிரீமியர் Doug Ford அண்மையில் விமர்சித்திருந்தார்.
இதற்குப் பதிலளித்துள்ள Stiles, இளைஞர் வேலையில்லாத் திண்டாட்டம் அதிகரித்துள்ள நிலையில், பிரீமியரின் இக்கருத்துக்கள் எதார்த்தத்திற்குப் புறம்பானவை எனக் குறிப்பிட்டுள்ளார்.
இந்த மாற்றத்தின் மூலம் பல்கலைக்கழகங்கள் மற்றும் கல்லூரிகள் அடுத்த மூன்று ஆண்டுகளுக்குக் கல்விக் கட்டணத்தை 2 சதவீதம் வரை உயர்த்த அனுமதி அளிக்கப்பட்டுள்ளது.
இம்முடிவு ஏழை மற்றும் நடுத்தர மாணவர்களுக்கு வழங்கப்பட்ட தண்டனை என மாணவர் அமைப்புகள் குற்றம் சாட்டியுள்ளன.
இருப்பினும், கல்வித் துறைக்காக ஆண்டுக்கு 7 பில்லியன் டொலர்களை முதலீடு செய்வதாக அரசுத் தரப்பு வாதிடுகிறது.
