வாழ்க்கை திருப்தி குறித்த ஆய்வு – கனடாவில் ஆல்பர்ட்டா மாகாணம் கடைசி இடம்!

கனடா புள்ளிவிபரவியல் திணைக்களம் (StatCan) அண்மையில் வெளியிட்ட வாழ்க்கை திருப்தி குறித்த ஆய்வை நடத்தியிருந்தது.

அதன்படி, கனடியர்களிடையே மாகாண ரீதியாகவும் வயது ரீதியாகவும் பெரும் மாற்றங்கள் காணப்படுகின்றன.

2025 ஆம் ஆண்டின் இரண்டாம் காலாண்டில் 46.1 சதவீத கனடியர்கள் தங்கள் வாழ்க்கையில் அதிக திருப்தியுடன் இருப்பதாகத் தெரிவித்துள்ளனர்.

இது முந்தைய ஆண்டை விட 5.7 சதவீதம் உயர்வாகும்.

கியூபெக் (Quebec) மாகாணம் 57.3 சதவீதத்துடன் முதலிடத்தில் உள்ளது.

மாறாக, ஆல்பர்ட்டா (Alberta) மாகாணத்தில் மிகக் குறைந்த அளவாக 38.1 சதவீதத்தினர் மட்டுமே அதிக திருப்தியுடன் உள்ளனர்.

நியூ பிரன்ஸ்விக் (New Brunswick) 53.4 சதவீதத்துடன் இரண்டாம் இடத்தைப் பிடித்துள்ளது.

ஒண்டாரியோ (Ontario) 42 சதவீதத்துடன் குறைந்த திருப்தி கொண்ட மாகாணங்களில் இரண்டாவது இடத்தில் உள்ளது.

75 வயது மற்றும் அதற்கு மேற்பட்ட முதியவர்களில் 64 சதவீதத்தினர் மகிழ்ச்சியாக உள்ளனர்.

ஆனால், 25 முதல் 34 வயதுடைய இளைஞர்களில் வெறும் 32.7 சதவீதத்தினர் மட்டுமே அதிக திருப்தியுடன் இருப்பதாகத் தெரிவித்துள்ளனர்.

மக்களின் வாழ்க்கையின் நோக்கம் மற்றும் எதிர்காலம் குறித்த நம்பிக்கையான பார்வையும் 2024 ஆம் ஆண்டை விட மேம்பட்டுள்ளதாக ஆய்வில் தெரியவந்துள்ளது.