கனடா, றொரண்டோ (Toronto) நகரின் மூன்று வெவ்வேறு இடங்களில் புதன்கிழமை அதிகாலை அடுத்தடுத்து துப்பாக்கிச் சூட்டுச் சம்பவங்கள் பதிவாகியுள்ளன.
இந்தச் சம்பவங்களில் உடமைகளுக்குச் சேதம் ஏற்பட்டுள்ள போதிலும், அதிர்ஷ்டவசமாக யாருக்கும் காயங்கள் ஏற்படவில்லை என றொரண்டோ பொலிஸார் (Toronto police) தெரிவித்துள்ளனர்.
முதலாவது சம்பவம் அதிகாலை 1:30 மணியளவில் Sheppard Avenue West மற்றும் Jane Street பகுதிக்கு அருகிலுள்ள குடியிருப்பு வளாகம் ஒன்றில் நிகழ்ந்துள்ளது. அங்கு ஜன்னல் ஒன்று சேதமடைந்துள்ளது.
கண்டறியப்பட்டது. அதனைத் தொடர்ந்து, சுமார் 90 நிமிடங்களுக்குப் பிறகு அதிகாலை 3:00 மணிக்கு முன்னதாக Etobicoke இன் Islington மற்றும் Bering பகுதியில் இரண்டாவது துப்பாக்கிச் சூடு நடந்துள்ளது.
அங்கு தோட்டாக்கள் மற்றும் வீட்டிற்குச் சேதம் ஏற்பட்டதற்கான சான்றுகளைப் பொலிஸார் கண்டெடுத்தனர்.
மூன்றாவது சம்பவம் அதிகாலை 4:00 மணியளவில் றொரண்டோ நகரின் மையப்பகுதியான Bay மற்றும் Charles வீதிகளுக்கு அருகில் நிகழ்ந்துள்ளது.
அங்கு வாகனம் ஒன்று துப்பாக்கிச் சூட்டினால் சேதமடைந்துள்ளது. இந்த மூன்று சம்பவங்களுக்கும் இடையே தொடர்பு உள்ளதா என்ற கோணத்தில் பொலிஸார் விசாரணைகளை ஆரம்பித்துள்ளனர்.
அத்துடன், இது தொடர்பான தகவல்கள் அல்லது காணொளிகள் வைத்திருப்போர் Crime Stoppers அமைப்பைத் தொடர்புகொள்ளுமாறு கோரப்பட்டுள்ளனர்.
