கிரேட்டர் ரொறன்டோ (GTA) பகுதியில் இரவு வேளையில் 50 மி.மீ வரை பலத்த மழை மற்றும் இடியுடன் கூடிய கனமழை பெய்யக்கூடும் என எதிர்பார்க்கப்படுகிறது.
அதனால், றொரண்டோ மற்றும் பிராந்திய பாதுகாப்பு அதிகாரசபை (Toronto and Region Conservation Authority – TRCA) வெள்ள எச்சரிக்கையை (Flood Outlook) வெளியிட்டுள்ளது.
இந்த மழைப் பொழிவு ஒரு மணி நேரத்திற்கு 20 மி.மீ-க்கும் அதிகமாக இருக்கும் என கணிக்கப்பட்டுள்ளது.
எனவே, ஆறு, ஏரிகள் மற்றும் கரைகளின் அருகே செல்வதைத் தவிர்க்குமாறு பொதுமக்களுக்கு எச்சரிக்கை விடுக்கப்பட்டுள்ளது.
வாகன சாரதிகள் வெள்ளம் தேங்கியுள்ள சாலைகள் மற்றும் சுரங்கப்பாதைகளில் பயணிக்க வேண்டாம் என்றும், மாற்றுப் பாதைகளைப் பயன்படுத்துமாறும் அறிவுறுத்தப்பட்டுள்ளனர்.
அத்துடன் அவசர உதவி மற்றும் வெள்ளப் பாதிப்புகள் குறித்து தகவல் தெரிவிக்க TRCA-வின் 416-661-6514 என்ற எண்ணையோ அல்லது 911 என்ற அவசர எண்ணையோ தொடர்பு கொள்ளுமாறு கேட்டுக்கொள்ளப்பட்டுள்ளனர்.
