பெரிய றொரண்டோ பகுதியில் (Greater Toronto Area) வீடுகளின் விலைகள் வீழ்ச்சியடைந்துள்ளன.
இந்நிலையில் கடந்த ஏப்ரல் மாதத்தில் வீட்டு விற்பனை கணிசமாக அதிகரித்துள்ளதாக றொரண்டோ பிராந்திய ரியல் எஸ்டேட் சபை (TRREB) தெரிவித்துள்ளது.
கடந்த ஏப்ரல் மாதத்தில் மொத்தம் 5,946 வீடுகள் விற்பனை செய்யப்பட்டுள்ளன.
இது கடந்த ஆண்டின் இதே காலப்பகுதியுடன் ஒப்பிடும்போது 7 சதவீத உயர்வாகும்.
வீடுகளின் சராசரி விற்பனை விலை 4.9 சதவீதம் குறைந்து $1,051,969 ஆக பதிவாகியுள்ளது.
அதேபோல், ஒரு சாதாரண வீட்டைக் குறிக்கும் கூட்டு அளவுகோல் விலை (Composite benchmark price) ஆண்டுக்கு ஆண்டு 6.6 சதவீதம் சரிந்துள்ளது.
அதன்படி, விலைகள் மற்றும் கடன் வாங்கும் செலவுகள் குறைந்துள்ளன.
இது வசந்த கால சந்தையில் வீட்டு உரிமையாளர்களை ஈர்க்கும் காரணியாக அமைந்துள்ளதாக TRREB இன் தலைமை தகவல் அதிகாரி ஜேசன் மெர்சர் (Jason Mercer) தெரிவித்துள்ளார்.
ஏப்ரல் மாதத்தில் 17,097 புதிய வீடுகள் விற்பனைக்கு வந்துள்ளன. இது கடந்த ஆண்டை விட 9.3 சதவீதம் குறைவாகும். மொத்தமாகச் சந்தையில் உள்ள வீடுகளின் எண்ணிக்கை (Active listings) 6.4 சதவீதம் குறைந்து 25,110 ஆக உள்ளது.
விலைச் சரிவு காரணமாகக் காத்திருந்த வாங்குபவர்கள் தற்போது சந்தைக்குத் திரும்பியுள்ளதால் விற்பனை வேகம் அதிகரித்துள்ளதாக அவதானிக்கப்படுகிறது.
