றொரண்டோவின் (Toronto) Annex பகுதியில் உள்ள குடியிருப்பு ஒன்றில் இருந்து சுமார் $30,000 மதிப்பிலான பொருட்களைத் திருடிச் சென்ற மூன்று ஆண்கள் மற்றும் ஒரு பெண் அடங்கிய 4 சந்தேகநபர்களை பொலிஸார் தீவிரமாகத் தேடி வருகின்றனர்.
Spadina Avenue மற்றும் Dupont Street பகுதிக்கு அருகே அமைந்த வீடொன்றில் ஜூன் 16 முதல் ஜூன் 18 வரையிலான காலப்பகுதியில் இந்தத் திருட்டுச் சம்பவம் இடம்பெற்றுள்ளது.
சந்தேகநபர்கள் பலமுறை வீட்டிற்குள் பலவந்தமாக நுழைந்து, மதுபானங்கள் (Wine and spirits), கலைப் பொருட்கள் (Artwork) மற்றும் உரிமையாளரின் முக்கிய ஆவணங்களைக் கவர்ந்து சென்றுள்ளனர்.
திருடப்பட்ட பொருட்களை வாடகைக்கு எடுக்கப்பட்ட வெள்ளை நிற வேன் (Rental van) ஒன்றில் ஏற்றிச் சென்றுள்ளதாகக் குற்றம் சாட்டப்பட்டுள்ளது.
சந்தேகநபர்களில் முதல் நபர் Under Armour ஹூடியும், இரண்டாமவர் சிவப்பும் கருப்பும் கலந்த ஆடைகளும், மூன்றாமவர் ‘TERROR’ எனக் எழுதப்பட்ட பச்சை நிற ஹூடி அணிந்த 35 வயது மதிக்கத்தக்க நபரும் ஆவர்.
பெண் சந்தேகநபர் பொன்னிற முடியுடன் முழு கருப்பு நிற ஆடை அணிந்திருந்ததாக பொலிஸார் விவரித்துள்ளனர்.
இச்சம்பவம் தொடர்பான மேலதிக விசாரணைகள் தொடர்வதுடன், தகவல் தெரிந்தவர்கள் 416-808-1400 எனும் இலக்கத்திற்கு பொலிஸாரையோ அல்லது Crime Stoppers அமைப்பையோ தொடர்புகொள்ளுமாறு கோரப்பட்டுள்ளனர்.
