North York-ல் 16 வயது சிறுவன் ஒருவனை கைது செய்ய முயன்றபோது, அவன் குண்டு நிரப்பப்பட்ட துப்பாக்கியை போலீஸ் அதிகாரிகளை நோக்கிக் காட்டியதாக Toronto Police தெரிவித்துள்ளது.
ஆகஸ்ட் 6ஆம் திகதி Jane Street மற்றும் Finch Avenue West பகுதியில் உள்ள கட்டடமொன்றிலிருந்து வெளியே வந்த சிறுவனை அதிகாரிகள் கைது செய்ய முயன்றுள்ளனர்.
அப்போது சிறுவன் துப்பாக்கியை அதிகாரிகளை நோக்கிக் காட்டியதாகவும், போலீசார் உடனடியாக அவரைக் கட்டுப்படுத்தியதால் யாருக்கும் காயம் ஏற்படவில்லை என்றும் கூறப்பட்டுள்ளது.
அவரிடமிருந்து குண்டு நிரப்பப்பட்ட துப்பாக்கி, Oxycodone மாத்திரைகள் மற்றும் பணம் கைப்பற்றப்பட்டதாக போலீசார் தெரிவித்துள்ளனர். சிறுவன் மீது துப்பாக்கி வைத்திருத்தல், அதிகாரிகளை நோக்கி துப்பாக்கி காட்டுதல் மற்றும் போதைப்பொருள் கடத்தல் நோக்கில் வைத்திருத்தல் உள்ளிட்ட பல குற்றச்சாட்டுகள் சுமத்தப்பட்டுள்ளன. குற்றச்சாட்டுகள் நீதிமன்றத்தில் இன்னும் நிரூபிக்கப்படவில்லை.
