கனடியப் பிரதமரின் தற்போதைய தற்காலிக இல்லமான Rideau Cottage, போதிய இடவசதி அற்றது என்றும் அங்கு பாதுகாப்பு அச்சுறுத்தல்கள் காணப்படுவதாகவும் அரசாங்கத்தின் உத்தியோகபூர்வ ஆவணம் ஒன்று எச்சரித்துள்ளது.
சுமார் பத்து ஆண்டுகளுக்கும் மேலாகப் பிரதமர்கள் தங்கிவரும் இந்த இல்லம், ஒரு பிரதமரின் தேவைகளுக்குப் போதுமானதாக இல்லை என Michael Sabia-வுக்கு அனுப்பப்பட்ட குறிப்பில் தெரிவிக்கப்பட்டுள்ளது.
இதற்கிடையில், பாழடைந்த நிலையில் உள்ள பிரதமரின் உண்மையான உத்தியோகபூர்வ இல்லமான 24 Sussex Drive-ஐ புனரமைப்பதா அல்லது புதிய இல்லத்தை உருவாக்குவதா என்பது குறித்து பிரதமர் மார்க் கார்னி (Mark Carney) தலைமையிலான அரசாங்கம் விரைவில் முடிவெடுக்கவுள்ளது.
இந்த இல்லத்தைப் புனரமைக்க சுமார் 100 மில்லியன் டொலர் வரை செலவாகும் என மதிப்பிடப்பட்டுள்ளது.
முன்னாள் பிரதமர்களான Jean Chrétien மற்றும் Stephen Harper ஆகியோர் இதற்கு நிதி திரட்ட முன்வந்த போதிலும், அரசியல் காரணங்களால் அது முன்னெடுக்கப்படவில்லை.
நாட்டின் வரலாற்றுச் சின்னமாக கருதப்படும் இந்த இல்லத்தை விரைந்து சீரமைக்க வேண்டும் என Heritage Ottawa போன்ற அமைப்புகள் வலியுறுத்தி வருகின்றன.
