கனடாவின் கெலேடன் (Caledon) நகரில் அமைந்துள்ள பீல் பிராந்திய பொதுப்பணித்துறை (Peel Region Public Works) கட்டிடத்தில் நேற்று ஞாயிற்றுக்கிழமை நள்ளிரவு பாரிய தீ விபத்து ஏற்பட்டுள்ளது.
கிங் ஸ்ட்ரீட் (King Street) பகுதியில் அமைந்துள்ள இந்தக் கட்டிடத்தில் ஏற்பட்ட தீயைக் கட்டுப்படுத்த தீயணைப்பு வீரர்கள் தீவிரமாகப் போராடினர்.
இந்தச் சம்பவத்தால் பொதுமக்களுக்கு நேரடி ஆபத்து ஏதுமில்லை என அதிகாரிகள் உறுதிப்படுத்தியுள்ளனர்.
இருப்பினும், மீட்புப் பணிகளைத் தடையின்றி மேற்கொள்வதற்காக பொதுமக்கள் அந்தப் பகுதிக்கு வருவதைத் தவிர்க்குமாறு கேட்டுக்கொள்ளப்பட்டுள்ளனர்.
தீ விபத்துக்கான காரணம் குறித்து ஆராய்வதற்காக ஒன்டாரியோ மாகாண தீயணைப்புத் துறைத் தலைவரின் (Office of the Fire Marshal) அலுவலகத்திற்குத் தகவல் வழங்கப்பட்டுள்ளது.
தற்போது அந்தப் பகுதியில் புகை மூட்டம் காணப்படுவதால் முன்னெச்சரிக்கை நடவடிக்கைகள் எடுக்கப்பட்டுள்ளன.
தீ விபத்தினால் ஏற்பட்ட சேத விபரங்கள் மற்றும் தீப்பிடித்ததற்கான பின்னணி குறித்துப் புலனாய்வுப் பிரிவினர் மேலதிக விசாரணைகளை முன்னெடுத்து வருகின்றனர்.
