வான்கூவர் நகருக்கும் நனைமோ (Nanaimo) நகருக்கும் இடையே இயங்கும் அதிவேக Hullo Ferries படகுச் சேவை, ஜூன் 1, 2026 முதல் தனது கட்டண அமைப்பில் அதிரடி மாற்றங்களைக் கொண்டுவரவுள்ளது.
இதன்படி, ‘கம்போர்ட்-கனெக்ட்’ (Comfort-Connect) என்ற புதிய வகை கட்டணம் அறிமுகப்படுத்தப்படுகிறது.
இதன் மூலம் குறிப்பிட்ட வார நாட்களில் ஒரு வழிப் பயணத்தை வெறும் $19.99 டொலர்களுக்கு மேற்கொள்ள முடியும்.
இந்தக் குறைந்த விலை டிக்கெட்டுகள் முன்கூட்டியே பதிவு செய்பவர்களுக்கு (Online Only) முன்னுரிமை அடிப்படையில் வழங்கப்படும்.
குறிப்பாக நனைமோவிலிருந்து காலை 7:15 மணிக்கும், வான்கூவரிலிருந்து மாலை 5:30 மணிக்கும் புறப்படும் படகுகளில் தலா 20 இடங்கள் இந்த விலையில் ஒதுக்கப்பட்டுள்ளன.
பணவீக்கம் மற்றும் எரிபொருள் விலை உயர்வைக் கருத்திற்கொண்டு இந்த மாற்றங்கள் செய்யப்பட்டுள்ளதாக நிறுவனத்தின் தலைமை நிர்வாக அதிகாரி ரயன் டெர்மோடி (Ryan Dermody) தெரிவித்துள்ளார்.
ஜூன் மாதம் முதல் வார நாட்களில் 3 பயணங்களும், வார இறுதிகளில் 6 பயணங்களும் என நிலையான நேர அட்டவணையை நிறுவனம் பின்பற்றவுள்ளது.