ஈரானைப் பிறப்பிடமாகக் கொண்ட கனடா குடிமகன் (Canadian Citizen) ஒருவருக்கு, அமெரிக்க எல்லை பாதுகாப்புப் படையினர் (CBP – U.S. Customs and Border Protection) அமெரிக்காவிற்குள் நுழைய அனுமதி மறுத்துள்ளனர்.
Vancouver International Airport–இல் உள்ள அமெரிக்க முன்கூட்டிய சோதனை மையத்தில் (Preclearance facility) இந்தச் சம்பவம் நடந்துள்ளது.
அந்தப் பயணி முன்பு வைத்திருந்த ஈரானிய கடவுச்சீட்டின் (Iranian Passport) கீழ் விண்ணப்பித்த பழைய அமெரிக்க விசா அண்மையில் நிராகரிக்கப்பட்டதே இந்த நுழைவு மறுப்புக்கு முக்கியக் காரணம் என்று கூறப்படுகிறது.
அவருக்கு குடிவரவு சட்டப்பிரிவு INA 212(a)(7)(A)(i)(I)-இன் கீழ் அனுமதி மறுக்கப்பட்டாலும், நல்லவேளையாக விசா விண்ணப்பத்தை அவராகவே திரும்பப் பெற (Form I-275) அதிகாரிகள் அனுமதித்தனர்.
இதன் மூலம் அவர் 5 வருட நுழைவுத் தடை போன்ற கடுமையான நடவடிக்கைகளில் இருந்து தப்பியுள்ளார்.
பொதுவாக கனடா குடிமக்களுக்கு அமெரிக்கா செல்ல விசா தேவையில்லை என்ற போதிலும், இவர் அமெரிக்க தூதரகத்தை (U.S. Consulate) நாடி முறையாக விசா பெற்றே இனி பயணிக்க முடியும் என அறிவுறுத்தப்பட்டுள்ளார்.
அமெரிக்க – கனடா எல்லைகளில் தரவுப் பகிர்வு (Data-sharing) மற்றும் சோதனைகள் தற்பொழுது தீவிரமாக்கப்பட்டுள்ளதாக குடிவரவு நிபுணர் Ken Scott தெரிவித்துள்ளார்.
