விமான நிறுவனத்தின் வாடிக்கையாளர் சேவைப் பிரதிநிதி என நம்பி, சமூக வலைத்தளம் ஊடாக தொடர்புகொண்ட ஒன்றாரியோவைச் சேர்ந்த பெண் ஒருவர், $3,000 டொலர்களை இழந்து மோசடிக்கு உள்ளாகியுள்ளார்.
Fonthill பகுதியைச் சேர்ந்த Traci Healy என்பவர், Vancouver பகுதியிலிருந்து Toronto திரும்பும் வழியில் தனது இணைப்பு விமானத்தைத் (Connecting Flight) தவறவிட்டுள்ளார்.
இதனால் ஏற்பட்ட விரக்தியில், WestJet இன் அதிகாரப்பூர்வ Facebook பக்கத்தில் கருத்துப் பதிவிட்டிருந்தார்.
உடனடியாக அவரைத் தொடர்புகொண்ட மர்ம நபர்கள், தாங்கள் WestJet ஊழியர்கள் எனக் கூறி, விமானக் கட்டணத்தை மீளத் தருவதாக (Refund) நம்ப வைத்துள்ளனர்.
அவர்களின் வார்த்தைகளை நம்பி வங்கி மற்றும் கடன் அட்டை (Credit Card) விவரங்களை அளித்தபோது, அவரது கணக்கிலிருந்து $3,000 டொலர்கள் திருடப்பட்டுள்ளது.
Kenya-வைச் சேர்ந்த நபர் ஒருவரே இந்த மோசடியைச் செய்துள்ளதாக பின்னர் தெரியவந்தது.
இது குறித்து விளக்கமளித்துள்ள WestJet நிறுவனம், தங்களின் அதிகாரப்பூர்வமற்ற பக்கங்கள் அல்லது தனிப்பட்ட குறுஞ்செய்திகள் மூலமாக ஒருபோதும் பயணிகளின் தனிப்பட்ட விவரங்களையோ அல்லது பணத்தையோ கோருவதில்லை எனத் தெரிவித்துள்ளது.
சமூக வலைத்தளங்களின் கமெண்ட் பகுதிகளைக் கண்காணித்து குற்றவாளிகள் இதுபோன்ற மோசடிகளில் ஈடுபடுவதால், நிறுவனங்களின் அதிகாரப்பூர்வ தொலைபேசி எண்கள் வழியே மட்டுமே தொடர்புகொள்ளுமாறு இணைய பாதுகாப்பு நிபுணர் Claudiu Popa எச்சரித்துள்ளார்.
