டொராண்டோவின் North York பகுதியில் உள்ள Wilson Avenue மற்றும் Keele Street சந்திப்பில் நபர் ஒருவர் கத்தியால் குத்தப்பட்ட நிலையில் மீட்கப்பட்டுள்ளார்.
நேற்றிரவு 8 மணியளவில் TTC பேருந்திற்குள் ஆரம்பித்த வாக்குவாதம், அவர்கள் பேருந்தை விட்டு இறங்கிய பின்னரும் தொடர்ந்ததில் இந்த வன்முறை நிகழ்ந்ததாகப் பொலிசார் தெரிவித்துள்ளனர்.
உயிருக்கு ஆபத்தான நிலையில் மீட்கப்பட்ட அந்த நபர் தற்போது சிகிச்சைக்காக மருத்துவமனையில் அனுமதிக்கப்பட்டுள்ளார்.
சம்பவம் தொடர்பாக ஒருவர் கைது செய்யப்பட்டுள்ள நிலையில், தப்பியோடிய இரண்டாவது சந்தேக நபரை பொலிஸார் தீவிரமாகத் தேடி வருகின்றனர்.
சுமார் 6 அடி உயரமும், மெலிந்த உடலமைப்பும் கொண்ட ஒரு கறுப்பினத்தவரையே பொலிசார் தேடி வருகின்றனர்.
அவர் கறுப்பு நிற மேலாடை (vest) மற்றும் சாம்பல் நிறத் தொப்பி போட்ட சட்டை (hooded sweater) அணிந்திருந்ததாக அடையாளம் காணப்பட்டுள்ளது.
