கனடாவின் Toronto மற்றும் அதன் சுற்றுவட்டாரப் பகுதிகளில் பெய்து வரும் பலத்த மழை காரணமாக, முக்கிய நெடுஞ்சாலைகளில் வெள்ளப்பெருக்கு ஏற்பட்டுள்ளதாகக் பொலிசார் எச்சரித்துள்ளனர்.
Environment Canada-வின் மஞ்சள் எச்சரிக்கையின்படி, இன்று 20 முதல் 40 மில்லிமீட்டர் வரை மழைப்பொழிவு பதிவாகக்கூடும் என எதிர்பார்க்கப்படுகிறது.
குறிப்பாக Gardiner Expressway, Lawrence Avenue East, Birchmount Road போன்ற பகுதிகளில் வீதிகளில் நீர் தேங்கியுள்ளதால், வாகனங்களை மெதுவாகவும் அவதானமாகவும் செலுத்துமாறு Toronto Police அறிவுறுத்தியுள்ளனர்.
மேலும், ஆறுகள் மற்றும் ஓடைகளுக்கு அருகில் செல்ல வேண்டாம் எனவும் பொதுமக்களுக்கு எச்சரிக்கை விடுக்கப்பட்டுள்ளது.
மழை காரணமாக TTC-யின் 504 King வீதி மின்சார ரயில் சேவைகளிலும் சில தடங்கல்கள் ஏற்பட்டு மீட்கப்பட்டுள்ளன.
வானிலை ஆய்வாளர் Bill Coulter கூறுகையில், இன்று நிலவும் இந்த அசாதாரண வெப்பமான சூழல் மறைந்து, நாளை முதல் மீண்டும் குளிர்கால நிலைமை திரும்பும் என்றும், வார இறுதியில் பனிப்பொழிவு ஏற்பட வாய்ப்புள்ளதாகவும் தெரிவித்துள்ளார்.
