டொரண்டோ நகரத்தில் கடந்த வார இறுதியில் 30°C வரை சென்ற வெப்பநிலை, தற்போது மீண்டும் கடுமையாக குறைந்துள்ளது. கடந்த சில தினங்களில் மிகவும் குளிர்ச்சியுடன் மழை வீழ்ச்சியும் பதிவாகியுள்ளது.
கடந்த 20 ஆண்டுகளில் இல்லாத அளவுக்கு மே மாத நீண்ட விடுமுறைக்குப் பிந்தைய காலநிலை மீண்டும் குளிர்ச்சியாகியுள்ளது.
2006-ம் ஆண்டு மே மாத நீண்ட விடுமுறைக்குப் பிறகு பதிவான குளிர்ச்சியைத் தொடர்ந்து, இவ்வாண்டு இதுவே கடுமையான குளிர் வானிலை ஆகும் என்று வானிலை ஆய்வாளர் பில் கோல்டர் தெரிவித்துள்ளார்.
இன்று வியாழ்க்கிழமை வெப்பநிலை 11°C-க்கு குறையும் என Environment Canada தெரிவித்துள்ளது.
இதேபோல் வெள்ளிக்கிழமை 15°C வரை அதிகபட்சமாக இருந்தாலும் மழை பெய்யும் வாய்ப்பு உள்ளது என அறிவிக்கப்பட்டுள்ளது.
சனி, ஞாயிறு தினங்களில் வெயிலுடன் 18°C வெப்பநிலை பதிவாகும் என எதிர்பார்க்கப்படுகிறது.
இதனால் கோடைக் காலம் தள்ளிப் போவதுடன் டொரண்டோவாசிகள் வெப்பமான காலநிலைக்காக இன்னும் சில தினங்கள் காத்திருக்கும் நிலை ஏற்பட்டுள்ளது.
