கனடாவின் Toronto நகரில் வீட்டு வாடகை விலைகள் தொடர்ந்து சரிவைச் சந்தித்து வருவதாக புதிய ஆய்வறிக்கைகள் தெரிவிக்கின்றன.
Rentals.ca மற்றும் Urbanation வெளியிட்டுள்ள தரவுகளின்படி, கடந்த பிப்ரவரி மாதம் சராசரி வாடகை $2,482 ஆகக் குறைந்துள்ளது.
இது கடந்த 2025-ஆம் ஆண்டின் இதே காலப்பகுதியுடன் ஒப்பிடுகையில் 5.3 சதவீத வீழ்ச்சியாகும்.
குறிப்பாக, ஸ்டுடியோ (Studio) வீடுகளின் வாடகை 7.9 சதவீதமும், ஒரு படுக்கையறை கொண்ட வீடுகளின் வாடகை 6.9 சதவீதமும் சரிந்துள்ளன.
புதிய அடுக்குமாடி குடியிருப்புகளின் வருகை அதிகரித்துள்ளதே இந்த விலை வீழ்ச்சிக்கு முக்கியக் காரணமாகக் கூறப்படுகிறது.
வாடிக்கையாளர்களைக் கவர வீட்டு உரிமையாளர்கள் சில மாதங்கள் இலவச வாடகை அல்லது இலவச வாகன நிறுத்தம் (Parking) போன்ற சலுகைகளையும் வழங்கி வருகின்றனர்.
2026-ஆம் ஆண்டு முழுவதும் வீடுகளின் விநியோகம் (Supply) அதிகமாக இருக்கும் என்பதால், விலை மீண்டும் உயர்வதற்கான வாய்ப்பு குறைவு என நிபுணர்களும் தெரிவித்துள்ளார்.
இதனால் இளைய தலைமுறையினர் புதிய வசதிகளுடன் கூடிய வீடுகளைக் குறைந்த விலையில் தேடி இடம்பெயரத் தொடங்கியுள்ளனர்.
Image – cp24
