கனடிய NBA வீரரான பிராண்டன் கிளார்க் (Brandon Clarke) தனது 29-வது வயதில் காலமானார் என்ற அதிர்ச்சித் தகவலை மெம்பிஸ் கிரிஸ்லீஸ் (Memphis Grizzlies) அணி செவ்வாய்க்கிழமை பிற்பகல் அறிவித்துள்ளது.
வன்கூவரைச் (Vancouver) சேர்ந்த 29 வயதான பிராண்டன் கிளார்க் காலமானார் என்ற தகவலை அவரது அணி உறுதிப்படுத்தியுள்ளது.
எனினும், அவரது மரணத்திற்கான காரணம் இதுவரை பகிரங்கமாக அறிவிக்கப்படவில்லை.
“பிராண்டன் கிளார்க்கின் மறைவு எங்களை மனமுடையச் செய்துள்ளது” எனத் தெரிவித்துள்ள மெம்பிஸ் கிரிஸ்லீஸ் (Memphis Grizzlies) அணி, அவர் ஒரு சிறந்த வீரராகவும், அதைவிடச் சிறந்த மனிதராகவும் திகழ்ந்ததாக புகழாரம் சூட்டியுள்ளது.
2019-ஆம் ஆண்டு முதல் ஏழு ஆண்டுகளாக NBA தொடரில் விளையாடி வந்த இவர், மெம்பிஸ் கிரிஸ்லீஸ் (Memphis Grizzlies) அணிக்காக 309 போட்டிகளில் பங்கேற்றுள்ளார்.
இவர் ஜா மொரான்ட் (Ja Morant) உடன் இணைந்து அணியின் நீண்டகால வீரராக விளங்கினார்.
2022-ஆம் ஆண்டு மினசோட்டா டிம்பர்வுல்வ்ஸ் (Minnesota Timberwolves) அணிக்கு எதிரான பிளே-ஆப் தொடரின் வெற்றியில் முக்கிய பங்கு வகித்தார்.
