கனடாவின் Brampton மாநகரில் வாகனங்களின் வேகத்தைக் கட்டுப்படுத்தவும், பாதசாரிகளின் பாதுகாப்பை உறுதி செய்யவதற்காக புதிய ‘ஸ்மார்ட் LED நடைபாதை‘ (Smart LED Crosswalks) திட்டத்தை அறிமுகம் செய்ய மாநகர சபை ஆலோசித்து வருகிறது.
மாகாண அரசினால் வேகக்கட்டுப்பாட்டு கமெராக்கள் (Speed Cameras) தடை செய்யப்பட்டதைத் தொடர்ந்து, அதற்கு மாற்றாக இந்த உயர் தொழில்நுட்ப முறையைச் செயல்படுத்த அதிகாரிகள் திட்டமிட்டுள்ளனர்.
இது குறித்துப் பேசிய கவுன்சிலர் Rowena Santos, இந்த LED விளக்குகள் பனிப்பொழிவு, இருள் அல்லது மேகமூட்டமான நேரங்களிலும் வாகன ஓட்டிகளுக்குத் தெளிவாகத் தெரியும் என்றும், பள்ளி மற்றும் சமூகப் பாதுகாப்பு வலயங்களில் வேகத்தைக் குறைக்க இது பெரிதும் உதவும் என்றும் தெரிவித்தார்.
வேகக்கட்டுப்பாட்டு கமெராக்கள் அகற்றப்பட்ட பிறகு, விதிமீறல்கள் இரட்டிப்பாகியுள்ள நிலையில், இந்த புதிய முன்னோடித் திட்டம் (Pilot Project) மக்களிடையே மிகுந்த எதிர்பார்ப்பை ஏற்படுத்தியுள்ளது.
மாகாண அரசிடம் இருந்து இதற்காக சுமார் $7 மில்லியன் டாலர் நிதி ஒதுக்கப்பட்டுள்ளமை குறிப்பிடத்தக்கது.
Image – toronto.citynews.ca
