கனடாவின் பிரதமர் மார்க் கார்னி (Mark Carney) தலைமையிலான அரசு, நாட்டின் பொருளாதாரத்தை ஊக்குவிக்கவும், மக்களின் வாழ்க்கைச் செலவைக் குறைக்கவும், வீடற்ற நிலையை ஒழிக்கவும் $142.1 பில்லியன் செலவிலான புதிய 2026 ஆம் ஆண்டிற்கான பட்ஜெட்டைத் சமர்ப்பித்துள்ளது.
நாடாளுமன்றத்தில் நிதியமைச்சர் பிரான்சுவா-பிலிப் ஷாம்பெயின் (Francois-Philippe Champagne) தாக்கல் செய்த இந்த பட்ஜெட்டில், அடுத்த ஐந்து ஆண்டுகளில் வரிச் சலுகைகள் மற்றும் வணிக முதலீடுகளுக்காக $36.1 பில்லியன் ஒதுக்கப்பட்டுள்ளது.
மேலும், உணவுப் பொருட்கள் நிவாரணத்திற்காக (Grocery rebate) $4.6 பில்லியன், பழங்குடியின மக்களின் உள்கட்டமைப்புக்காக $26.6 பில்லியன் மற்றும் வீடற்ற நிலையை ஒழிக்கும் திட்டங்களுக்கு $11.2 பில்லியன் ஒதுக்கப்பட்டுள்ளது.
நடப்பு நிதியாண்டில் நாட்டின் பற்றாக்குறை $62.3 பில்லியனாக இருக்கும் எனக் கணிக்கப்பட்டுள்ளது.
அதேவேளை, நாட்டின் கடன் வட்டிச் செலவு $60.2 பில்லியனாக அதிகரித்து, சுகாதாரத் துறைக்கான ஒதுக்கீடான $57.4 பில்லியனை விட அதிகமாகியுள்ளது கவனிக்கத்தக்கது.
இந்த பட்ஜெட்டை எதிர்க்கட்சித் தலைவர் பியர் பொய்லீவ்ரே (Pierre Poilievre) “கடனில் மூழ்கிய பட்ஜெட்” என விமர்சித்துள்ளார்.
புதிய ஜனநாயகக் கட்சியின் தலைவர் அவி லூயிஸ் (Avi Lewis) மற்றும் பசுமைக் கட்சித் தலைவர் எலிசபெத் மே (Elizabeth May) ஆகியோரும் இதில் சாதாரண மக்களுக்கு போதிய சலுகைகள் இல்லை எனக் குற்றம் சாட்டியுள்ளனர்.
