கனடாப் பிரதமர் மார்க் கார்னி (Mark Carney), அமெரிக்க அதிபர் டொனால்ட் ட்ரம்பின் (Donald Trump) வர்த்தகக் கெடுபிடிகள் மற்றும் அச்சுறுத்தல்களுக்கு எதிராக உறுதியான நிலைப்பாட்டை எடுத்ததன் மூலம் சர்வதேச அளவில் பெரும் கவனத்தைப் பெற்றுள்ளார்.
இதன் காரணமாக, இந்த ஆண்டிற்கான அமைதிக்கான நோபல் பரிசு (Nobel Peace Prize) மற்றும் டைம் இதழின் ‘ஆண்டின் சிறந்த நபர்’ (Time Person of the Year) விருதுகளுக்கு அவரது பெயர் முன்னணியில் பேசப்பட்டு வருகிறது.
கணிப்புச் சந்தையான கல்ஷியில் (Kalshi), அமைதிக்கான நோபல் பரிசை வெல்லும் வாய்ப்பில் மார்க் கார்னி (Mark Carney) முன்னணி இடத்தைப் பிடித்தார்.
இந்நிலையில் அக்டோபர் 9 அன்று நோர்வேயில் (Norway) வெற்றியாளர் அறிவிக்கப்படவுள்ளார்.
கனடாவிற்கு எதிராக அமெரிக்கா 50% வரிகளை விதித்துள்ள நிலையில், ட்ரம்பிற்கு (Donald Trump) பயப்படாமல் நடுத்தர நாடுகள் ஒன்றிணைய வேண்டும் என மார்க் கார்னி (Mark Carney) சர்வதேச அளவில் குரல் கொடுத்து வருகிறார்.
ஏற்கெனவே உலகின் செல்வாக்குமிக்க 100 மனிதர்களின் பட்டியலில் மார்க் கார்னியை (Mark Carney) சேர்த்துள்ள டைம் இதழ், டிசம்பர் 10 அன்று அறிவிக்கவுள்ள ‘Person of the Year’ விருதுக்கான பந்தயத்திலும் அவரை இரண்டாம் இடத்தில் வைத்துள்ளது.
சுவிட்சர்லாந்தின் டாவோஸ் (Davos) நகரில் நடைபெற்ற உலக பொருளாதார மன்றத்தில் அவர் ஆற்றிய உரைக்குப் பிறகு, ஐரோப்பிய ஒன்றியம் (European Union) கனடாவுடன் நெருங்கிய உறவை ஏற்படுத்த முன்வந்துள்ளமை குறிப்பிடத்தக்கது.