‘சூப்பர் எல் நினோ’ தாக்கம்: ஒன்ராறியோவின் இலையுதிர் கால இலை வண்ணங்களில் மாற்றம்!

வரலாற்றிலேயே மிகக் கடுமையான ‘சூப்பர் எல் நினோ’ (Super El Nino) காலநிலை மாற்றம் காரணமாக, ஒன்ராறியோவில் (Ontario) இலையுதிர் காலத்தில் (Fall season) மரங்களின் இலைகள் வண்ணமயமாக மாறும் நிகழ்வு சற்று தாமதமாகலாம் எனப் வானிலை வல்லுநர்கள் தெரிவித்துள்ளனர்.

எல் நினோவால் (El Nino) வழக்கத்தை விட வெப்பமான காலநிலை நிலவுவதால், மரங்களின் இலைகள் சிவப்பு, மஞ்சள் மற்றும் ஆரஞ்சு நிறங்களுக்கு மாறுவது சில வாரங்கள் தாமதமாகலாம் அல்லது நீண்ட நாட்களுக்கு நீடிக்கலாம் என மெக்மாஸ்டர் பல்கலைக்கழக (McMaster University) பேராசிரியர் சூசன் டட்லி (Susan Dudley) தெரிவித்துள்ளார்.

தாமதமானாலும் மரங்கள் ஆரோக்கியமாக இருப்பதாகவும், இலைகள் உதிராமல் வண்ணமயமாக மாறத் தொடங்கிவிட்டதாகவும் வல்லுநர்கள் கூறியுள்ளனர்.

கனடா சுற்றுச்சூழல் மற்றும் காலநிலை மாற்ற அமைப்பின் (Environment and Climate Change Canada) வானிலையாளர் டேவிட் பிலிப்ஸ் (David Phillips), வெப்பமான காலநிலையால் மக்கள் குளிரில் நடுங்காமல் இந்த அழகிய காட்சிகளைக் கண்டுகளிக்க முடியும் எனக் குறிப்பிட்டுள்ளார்.

அல்கோன்குயின் பூங்காவில் (Algonquin Provincial Park) இலைகள் வண்ணம் மாறத் தொடங்கியுள்ளன. தொடர்ந்து முஸ்கோகா (Muskoka) மற்றும் டொராண்டோ (Toronto) பகுதிகளிலும் இந்த வண்ண மாற்றம் பரவும்.