கனடாவின் றொரண்டோ நகரில் ஆண்டுதோறும் நடைபெறும் புகழ்பெற்ற Salsa on St. Clair கலாச்சாரத் திருவிழாவிற்கு வழங்கி வந்த ஆதரவை Hillcrest Village BIA (Business Improvement Area) அமைப்பு அதிகாரப்பூர்வமாகத் திரும்பப் பெற்றுள்ளது.
கடந்த July 11 அன்று நடந்த துப்பாக்கிச் சூட்டுச் சம்பவத்தில் இருவர் உயிரிழந்ததுடன் ஐந்து பேர் படுகாயமடைந்த சில வாரங்களிலேயே இந்நடவடிக்கை எடுக்கப்பட்டுள்ளது.
இருப்பினும், விழா ஏற்பாட்டாளர்களான TeleLatino Network (TLN) மற்றும் Canadian Salsa Festival அமைப்புகளுக்கு அனுப்பப்பட்ட கடிதத்தில் துப்பாக்கிச் சூடு குறித்து நேரடியாகக் குறிப்பிடப்படவில்லை.
இத்திருவிழா நகரின் எல்லைகளையும் BIA அமைப்பின் கொள்ளளவையும் தாண்டி வளர்ந்துவிட்டதாகவும், உள்ளூர்வாசிகளிடையேயும் வணிகர்களிடையேயும் ஆதரவு கணிசமாகக் குறைந்துள்ளதாகவும் அதில் தெரிவிக்கப்பட்டுள்ளது.
இந்த வன்முறைச் சம்பவத்தில் Shaquan Quashie (25) மற்றும் Cesar Vernaza (20) ஆகிய இருவர் பலியாயினர்.
நகர மேயர் அலுவலகம் பாதுகாப்பு ஏற்பாடுகளை பலப்படுத்த உறுதியளித்துள்ள நிலையில், விழா தொடர்வதை உறுதிசெய்ய பேச்சுவார்த்தைகள் நடந்துவருகின்றன.
