ரிச்மண்ட் ஹில் விபத்து – பெண்ணொருவரும், குழந்தையும் வைத்தியசாலையில் அனுமதி!

கனடாவின் ரிச்மண்ட் ஹில் (Richmond Hill) பகுதியில் வியாழக்கிழமை இரவு இடம்பெற்ற விபத்தில், பெண்ணொருவரும் குழந்தையொன்றும் காயமடைந்த நிலையில் வைத்தியசாலையில் அனுமதிக்கப்பட்டுள்ளனர்.

எல்கின் மில்ஸ் வீதி கிழக்கு (Elgin Mills Road East) மற்றும் ரெட்ஸ்டோன் வீதி (Redstone Road) சந்திப்புப் பகுதியில், லெஸ்லி வீதிக்கு (Leslie Street) மேற்கே மிதிவண்டியில் (சைக்கிள்) சென்றவர் மீது வாகனம் மோதியதாக யோர்க் பிராந்திய பொலிஸார்க்கு (York Regional Police) இரவு 8 மணியளவில் தகவல் கிடைத்துள்ளது.

பாதிக்கப்பட்ட பெண் மற்றும் குழந்தையின் தற்போதைய உடல்நிலை குறித்த விபரங்கள் இதுவரை வெளியிடப்படவில்லை.

விபத்து எவ்வாறு நிகழ்ந்தது என்பது குறித்து பொலிஸார் தீவிர விசாரணை நடத்தி வருவதுடன், அந்தச் சந்திப்பின் மேற்கு நோக்கிய பாதைகள் (Westbound lanes) தற்காலிகமாக மூடப்பட்டுள்ளன.