பிரபல ராப் கலைஞர் டிரேக் (Drake) தனது புதிய ஆல்பமான ‘ஐஸ்மேன்‘ (Iceman) வெளியீட்டை முன்னிட்டு, ரொறன்ரோவின் அடையாளமான சி.என் டவரை (CN Tower) ஒரு பிரம்மாண்டமான கலைக்கூடமாக மாற்றியுள்ளார்.
வியாழக்கிழமை இரவு 9:45 மணியளவில் தொடங்கப்பட்ட சிறப்பு ஒளிப்பதிவு (Projection) மூலம், 553 மீற்றர் உயரமுள்ள சி.என் டவர் (CN Tower) முழுவதும் பனிக்கட்டியால் உறைந்தது போன்ற ஒரு மாயத்தோற்றத்தை டிரேக் ஏற்படுத்தினார்.
‘விஷுவல் ஆல்பம்‘ (Visual album) என்று அழைக்கப்படும் இந்த புதிய இசைத்தொகுப்பு, கடந்த இரண்டு ஆண்டுகளில் டிரேக்கின் எண்ணங்கள் மற்றும் அனுபவங்களின் நாடக வெளிப்பாடாக உருவாக்கப்பட்டுள்ளது.
நேரலை ஒளிபரப்பைத் தொடர்ந்து, ஹார்பர்பிரண்ட் சென்டரில் (Harbourfront Centre) இருந்து 10 நிமிட வாணவேடிக்கை நிகழ்ச்சிக்கு ஏற்பாடு செய்யப்பட்டுள்ளது.
முன்னதாக ரொறன்ரோவின் வாகன நிறுத்துமிடம் ஒன்றில் வைக்கப்பட்டிருந்த பிரம்மாண்டமான பனிச்சிற்பத்தை தீயணைப்பு வீரர்கள் உருக்கி, அதற்குள் மறைத்து வைக்கப்பட்டிருந்த ஆல்பம் வெளியீட்டுத் திகதியைக் கண்டுபிடித்தது குறிப்பிடத்தக்கது.
தன்னுடைய சொந்த ஊரான ரொறன்ரோவை மையப்படுத்தி டிரேக் மேற்கொண்டு வரும் இந்த வித்தியாசமான விளம்பர உத்திகள் அவரது ரசிகர்களிடையே பெரும் வரவேற்பைப் பெற்றுள்ளன.
