கனடாவின் March break விடுமுறையை முன்னிட்டு, வழக்கமாகச் செல்லும் சுற்றுலாத் தலங்களுக்குப் பதிலாக கனடியர்கள் மாற்று இடங்களைத் தேர்வு செய்து வருவதாகத் சுற்றுலா முகவர்கள் தெரிவித்துள்ளனர்.
Cuba-வில் நிலவும் எரிபொருள் மற்றும் உணவுத் தட்டுப்பாடு, Mexico-வின் Puerto Vallarta பகுதியில் வெடித்துள்ள வன்முறை மற்றும் Jamaica-வில் ஏற்பட்ட சூறாவளி பாதிப்புகள் காரணமாகப் பயணிகள் தங்கள் திட்டங்களை மாற்றியுள்ளனர்.
குறிப்பாக, கியூபாவிற்கான முன்பதிவுகள் கடந்த ஆண்டை விட 86 சதவீதம் வரை சரிந்துள்ளன.
இதற்கு மாற்றாக Florida மற்றும் Dominican Republic போன்ற இடங்களுக்குச் செல்லும் கனடியர்களின் எண்ணிக்கை 100 சதவீதத்திற்கும் மேலாக அதிகரித்துள்ளது.
மேலும், Costa Rica, Greece மற்றும் Portugal போன்ற நாடுகளும் புதிய விருப்பத் தேர்வுகளாக உருவெடுத்துள்ளன.
விலை உயர்வு மற்றும் பாதுகாப்புக் கவலைகள் இருந்தபோதிலும், கனடாவின் கடும் குளிரிலிருந்து தப்பிக்கப் பயணிகள் அதிக பணம் செலவழித்தாவது வெளிநாடுகளுக்குச் செல்ல ஆர்வம் காட்டி வருவதாக Durham Travel நிறுவனத்தின் John Wood தெரிவித்துள்ளார்.
