கனடாவின் Ontario மாகாணத்தில், திட்டமிடப்பட்டு நடத்தப்படும் ‘போலி வாகன விபத்துக்கள்‘ (Staged Collisions) மூலம் காப்புறுதி நிறுவனங்களை ஏமாற்றும் கும்பல்களின் அட்டகாசம் 2025-ஆம் ஆண்டில் 400 சதவீதம் அதிகரித்துள்ளதாகத் தகவல்கள் வெளியாகியுள்ளன.
Peel Regional Police மேற்கொண்ட Project Outsource என்ற அதிரடி நடவடிக்கையின் மூலம், சுமார் $4.2 மில்லியன் டாலர் மதிப்பிலான சட்டவிரோத சொத்துக்கள் மற்றும் ஆயுதங்கள் பறிமுதல் செய்யப்பட்டுள்ளன.
இந்த விபத்து மோசடிகளில் இழுவை வாகன நிறுவனங்கள் (Tow truck companies), மருத்துவ மையங்கள் மற்றும் சட்ட வல்லுநர்கள் என ஒரு பெரிய வலையமைப்பே இணைந்து செயல்படுவதாகக் Peel பிராந்திய பொலிச் தலைமை அதிகாரி Nishan Duraiappah தெரிவித்துள்ளார்.
Aviva, Intact போன்ற முன்னணி 10 காப்புறுதி நிறுவனங்கள் இந்த ‘தாமி குற்றக் கும்பலால்‘ (Dhami Criminal Organization) ஏமாற்றப்பட்டுள்ளதாகக் குற்றம் சாட்டப்பட்டுள்ளது.
வாகனத் திருட்டுகள் குறைந்திருந்தாலும், இத்தகைய காப்புறுதி மோசடிகள் மூலம் ஒழுங்கமைக்கப்பட்ட குற்றக் கும்பல்கள் பெரும் இலாபம் ஈட்டுவதாகப் புலனாய்வு அமைப்புகள் எச்சரித்துள்ளன.
இது குறித்து மாகாண நிதி அமைச்சர் Peter Bethlenfalvy கருத்துத் தெரிவிக்கையில், இத்தகைய மோசடிக்காரர்களுக்கு எதிராகக் கடுமையான நடவடிக்கைகள் எடுக்கப்படும் என உறுதியளித்துள்ளார்.
Image – CP24
