கனடாவின் Sarnia பகுதியில் உள்ள St. Clair நதியில் ஏற்பட்ட ஹைட்ரோகார்பன் (Hydrocarbon) எண்ணெய்க் கசிவு தற்போது கட்டுப்பாட்டுக்குள் கொண்டு வரப்பட்டுள்ளதாக Suncor நிறுவனம் அறிவித்துள்ளது.
புதன்கிழமை மாலை 6 மணியளவில் மேற்கொள்ளப்பட்ட வழக்கமான கண்காணிப்பின் போது, நதியின் மேற்பரப்பில் எண்ணெய்ப் படலம் காணப்படுவது கண்டறியப்பட்டது.
உடனடியாகச் செயற்பட்ட நிறுவனத்தினர், கசிவு ஏற்படும் இடத்தை அடையாளம் கண்டு அதனைத் தடுத்துள்ளனர்.
துப்புரவுப் பணிகளுக்காக Eastern Canada Response Corporation-இன் உதவியுடன் சிறப்பு உபகரணங்கள் மற்றும் ‘பூம்’ (Booms) கருவிகள் பயன்படுத்தப்பட்டு வருகின்றன.
எவ்வளவு அளவிலான எண்ணெய் கசிந்தது என்பது குறித்த விபரங்கள் இன்னும் வெளியிடப்படவில்லை.
இது குறித்து உரிய அரச முகவர் அமைப்புகளுக்கும், உள்ளூர் அமைப்புகளுக்கும் அறிவிக்கப்பட்டுள்ளதாக Suncor ஊடகப் பேச்சாளர் Christine Randall தெரிவித்துள்ளார்.
1952 முதல் இயங்கி வரும் இந்த சுத்திகரிப்பு நிலையம், நாளொன்றுக்கு சுமார் 85,000 பேரல் கச்சா எண்ணய் உற்பத்தி செய்யும் திறன் கொண்டது என்பது குறிப்பிடத்தக்கது.
Image – CBC
